Kwentong Kengkay

Agosto 21, 2007

Pista, Parada: Ang Kwento

Filed under: Dito sa Amin,Tatlong Buhay — kengkay @ 2:59 hapon

Dito sa amin, uso din ang piyestahan. Kung sa atin e dalawang araw ang piyesta, tatlo kasama na ang bisperas at apat kasama na ang hang-over; dito naman e opisyal na apat na araw talaga ang pistahan. Simula ng biyernes tapos ng lunes. Maraming ka-dramahan din kapag pista. Lamonan, inoman, chikahan, ikutang karusel, rambolan sa bump car, pataasan ng lumbay sa swing, tilian sa kung ano mang rides na nakisali. At sempre, may simba din.

May mga bandang makulay, mga mga reyna koronahan, may mga pa-kontes sa hari ng lasingan, may mga magastos na peryahan, mga pagkaing kulay o dami ng asukal lang ang pinagkaibhan, ang mga pagkaing may taba at sobrang may taba lang ang pinagkaibhan, ang mga inuming nakakalasing o nalasing dahil sa gastos. At nung parada naman ay daming libre: libreng beer, libreng wine, libreng finger foods; umulan ng candies, umulan ng lobo, umulan ng shampoo, conditioner at lipsticks. Kahit na mabukulan ka sa mga sandamukal na libreng tinatapon ng mga kasapi sa parada, walang pikunan; kasi nga, libre e. May basaan pa nga, pero okay lang din. Game lahat. Masaya. Magulo. Daming hiyawan at kantyawan. Yung mga anak ko nga, di na mabitbit yung bag nilang umaapaw sa dami ng kendi e. Para namang kakainin nilang lahat. Ayan, nilagay ko nga lahat sa balikbayan box, may makikinabang pang ngipin sa Pinas. Sayang naman kung itapon lang, diba?

Ah basta… tingnan nyo na lang ang mga kakodakan dito. Ako ayoko nang tingnan at naumay na ko. Kayo naman ang maumay. Unang araw pa lang e nahilo na ako kaiikot sabay ng ikot ng carousel ng mga anak ko. Mga milyong beses yata silang nagpaikot ikot e. Unang araw pa lang yon. E tatlong araw kaming present sa pistahan ano. Muntik ng mamilipit ang leeg ko kasi dapat may i kaway ka din sa kanila di ba, at sabay ngiti pa. Pero di bale na, kasi tatlong araw din akong libre sa harap ng kalan. Walang lutuan, kasi sa pistahan kami lumafang e. Ang di lang maganda, dito walang bisitahan sa bahay. Bayaran ang bibisitahin mo, hehe.

Share ko mga kapiktyuran. Pilit ko ring inisplika kung anong mga pangyayari sa mga kodaks na ito. Mag-enjoy kayo dapat ha. Tagal kong pinaisipin at pinagkunutan ng noo ‘to. Medyo feeling galeng na rin ako sa mga pinag-gagawa ko rito. High tech na rin kahit na daming kinulit para matapos to. Salamat sa mga nakikulit ha.

Eto ang unang araw, may parada.

Eto naman ang pangatlong araw, may parada ulit.

Ato ang pictures ng pang-apat na araw, pagod na.

Advertisements

1 Puna »

  1. tungkol sa piktyur: ate, ang bunso mo laging labas ang boobies. LOL! baka gawin mong bold star pagdating ng araw. kacu-cute na bata…


    Kengkay: mana sa nanay, yung pag ka cute at di yung labas ang .... hehe

    Komento ni jojie — Agosto 22, 2007 @ 3:11 umaga | Sagutin


RSS feed for comments on this post. TrackBack URI

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: