Handa

Kayo anong handa nyo ngayong Pasko? Kasi kami ni kengkoy ang tagal naming nag-lista ng aming ihahanda ngayong Pasko. Alam nyo naman kasi dito, kapag holidays e nakasara ang mga tindahan. Mabuti nga at medyo naging late na yung bukas ng tindahan, dati dapat alas sais pa lang ng hapon e nakapamili ka na at kapag Sabado naman, dapat maaga gising mo kasi alas dos ng hapon sarado na rin lahat. Ngayon nag improve na sila, bukas na ang tindahan hanggang alas gis ng gabi, kahit na Sabado. Kaya lang, sarado pa rin sila kapag holidays.

Heniway, nag order kami ng aming pagkain para ngayong holidays dun sa aming meat shop. Kinuha namin yung aming order nitong Biyernes. Sempre yung mga normal na pang almusal kasama na dun katulad ng cold cuts at frankfurter, at yung meat loaf na ginawa naming cordon bleu kahapon. Mamaya ang ulam namin ay frankfurter na binalutan ng arina na may kapatid na mashed potatoes. Tapos bukas, sa media noche namin, pupunta kami sa isang local fish pond dahil isda ang aming handa! Oo, isda o kaya ay mga wild meat ang handa nila dito kapag Pasko. Waaahh, kakamiss ang ham, keso de bola na nakapalaman sa pandesal, at yung morcon ni nanay ko.

Pero kasi naman yong handang pagkain sa Pinas, normal na pagkain na dito, kaya naman dapat iba naman kapag Pasko. Sa totoo lang, nung nakaraang Pasko, nagluto itong aking sister in law ng reindeer meat, at nung nakaraan naman ay isang ‘hare meat’ — mabuti kamo sinabi nila sa akin bago yung araw ng handaan. Sabi ko talaga hindi ko kayang sikmurain yung ganung wild meat. Edi nagluto sila ng isda para sa akin at para dun sa isang pamangkin ko dito na vegetarian na ngayon ay kumakain na ulit ng karne.

Mabalik tayo sa handa namin sa media noche. Mangingisda kami bukas kahit na ang lamig lamig na dito. Pero hindi daw kami white Christmas, hmp. So ang katapat nitong isda ay buttered mais at peas; pero parang gusto kong magsaing ng kanin, hehehe.

Tapos sa araw ng Pasko, dun sa sister in law ko ang handaan. Dun ang aming exchange gifts. Kami ang taya sa green salad. Hindi ko alam kung ano ang main dish, di ko pa natatanong, pero sana hindi wild meat. Kundi magbabaon ako ng sinangag!

Kayo, ano handa nyo sa media noche at sa Pasko?