Vatertag = Father’s Day = Inuman

Araw ng mga Tatay ngayon dito sa Alemanya. Bakit kanyo? Edi ba sa Pinas tuwing Hunyo ang selebrasyong ito?

O e kaya nga nalimutan kong Father’s Day ngayon dito e. Lintek na buhay yan. Mantalanang kagabi e excited pang pinaliliguan ko itong si bunsoy ko at whispering hope pa sya sa akin na: ‘Mami, meron kaming sikreto para sa Mother’s Day, pero sempre hindi ko sasabihin sa yo kung ano.’ DI ba. sikret daw.

Tapos may napansin sya, ‘alam mo Mami, parang ganito yung ibibigay kong sikret sa yo:’ ahahah, nabuking yung regalo nya sa akin, hahaa.

Heniway, dahil kasi ang alam ko, kapag Ascension Day, yun ang Vatertag. E kaso mo, natapat na Ascension Day din pala ang May 1 na Labor Day din. O ayun, kagulo ang buhay ko. Narinig ko lang sa radyo na may bumabati ng Father’s Day kaninang umaga at nag panik na nga ako. Wala akong regalooooooooo… mabuti na lang e si kengkoy naka tago sa banyo. Naghanap ako ng mga regalo, wala talaga.

Nakita ko ang mga little kengkays na busy sa kanilang art works. Naki busy din ako. Gumawa na lang ako ng gift certificate inviting him sa kanyang paboritong restaurant. Hayyyyy… at sinabi ko sa mga little kengkays na gumawa ng card para sa tatay nila.

Super bilis namin gumawa. Bago pa matapos sa paliligo si kengkoy e tapos na rin ang aming regalo. Save by the bell kami 😀

Nga pala, ang Vatertag dito e equals to inuman! As in, sa gabi pa lang bago mag Father’s Day e nag-pupulong pulong na ang mga binata at mga may asawa, basta lalaki. Mag hoarding na sila ng beer at kung ano mang alak. Yung iba tatambay sa mga bundok, bitbit ang mga tents nila. Yung iba sa mga local bars, at yung iba naman, sa mga big party tents. Ang kanilang goal? Maginuman, magtomaan. At sempre sa umaga pagkagising, party time ulit. Inuman at tomaan ulit. Bar hopping na umaatikabo. Beer dito, beer duon. At sempre, maingay sa kalye; in fact, kahit na sa mga bars at restos, super ingay – kasi nga, Vatertag! Pagkakataon na para sa mga lalaki, kahit na hindi pa sila tatay o hindi naging tatay; para magpaka-talamak sa beer!

Sabi ni wikipedia: Vatertag translates to Father’s Day, but is not celebrated with any similarity to the traditional Western Father’s Day. As late as the 1700’s it was family holiday to honor one’s father, but in the 19th century it re-appeared as a day for the lower class to goto bars and get drunk, and holds a bad reputation today. This is why the blind re-direct to the Father’s Day article is inappropriate; they are NOT the same.