pan-de-salan ni kengkay

uy oo naman, merong pandesalan si kengkay dito sa alemanya. ayan ang sampolsa pechur. depende ang size nya sa mga kamay ng mga little kengkays kasi sila ang nagbibilog ng mga ito. kapag sinipag sila, maliit pero kapag tinamad sila halos kasing laki ng mamon, heheh.

halos araw araw e nag-be-bake ako ng pandesal. paboritong baon ito ng mga little kengkays – minsan may palamang nutella, o minsan naman e butter at salami. pero mas paborito ni bunsoy ko ang pandesal na may butter o margarina kasi madalas e may baon din syang kamatis sa kindergarten. si panganay ko naman paborito nya ang kesong puti sa pandesal. at si kengkoy? sempre naman, ang kay kengkoy naman ang palaman e may pipino at kung ano mang cold cuts na available.

kapag bagong bake ang pandesal? pati mga kalaro ng little kengkays dumadayo dito sa bahay namin, sinusundan ang amoy ng pandesal, hehe. kaya kahit na dalawang dosena ang nagawa kong pandesal e ubos agad! ang nangyari? ayun, bumigay ang aking bread machine nitong nakaraang araw. andaya ni kengkay ano, may bread machine na pampadali para sa paggawa ng pandesal.

sinubukan kong gamitin ang aking mga kamay, hay, walang gandang nangyari. ang tigas ng pandesal. so ngayon, sarado muna ang pandesalan ni kengkay. kainis! pero kanina may tumawag na isang pinay na naawa sa akin. papadalhan daw nya ako ng pandesal via post! o di bah, ang galing. nakatira sya sa alemanya pero dun sa malapit sa holland kaya mga 5 hours drive yun, pero dahil ang post dito e isang araw lang, pwede na rin. ibig sabihin e meron kaming pandesal sa martes! yuhoo! eto pala ang recipe ng pandesal.

teka nga pala, ako ang gusto ko sa pandesal e yung may mantikilya tapos isawsaw ko sya sa kape o sa kakao, yum! pero nung asa isang opis ako sa paranaque, masarap din yung pandesal na may sardinas na palaman 😀 kayo, anong gusto nyong palaman sa pandesal?