nakakita ako ng anghel

kapag magpapasko talaga, kung ano ano ang nangyayari. ayan na nga at nagkalat na ang mga anghel.

kita nyo ang mga anghel. ang bilis maglakad! teka muna, wag muna kayo lumipad!

teka muna, parang kilala ko yata itong isang anghel na ito ah? aba, ang aking panganay! mala anghel sa kakulitan. kanino kaya nagmana. hehe


nagsimula akong magbloghopping kahapon. ginawa ko ng tradisyon yan kapag pasko, bagong taon at mother’s day. inisa isa ko ang listahan ng aking blogroll. mula A hanggang B, eheste Y pala. nagulat ako sa mga nabisita ko. kasi marami sa mga kablag ko e sinusian na ang kanilang mga blogs. hindi na pwede sumilip kung walang password. bakit kaya?

yung iba naman e wala na sa ere. naglaho na sila. deleted na daw ang kanilang blogs. at hindi man lang nagsabi, huh. kung asan man kayo ngayon… kalabitin niyo naman ako 🙂 at yung iba naglipat bahay. at ang iba, sosyal na, dotcom na sila 😀

at yung iba naman, wala ng updates! yung huling comment dun e yung pagbati ko pa nung nakaraang Pasko. hanu ba yun. pero di bale na, kung maligaw man kayo, nagpaparamdam lang si ako. kasi nangangaroling 😀

Maligayang Pasko sa ating lahat!

at alam ko, sa bawat lakad natin ay may nakikita tayong anghel. wala mang pakpak, basta ang mga taong nagbibigay ng saya sa atin, anghel na yun 😀

katulad nung anghel na nagpadala ng regalo sa amin

salamat po, kapitbahay na cheh. ‘manay, nakuha ko na yung hugs na padala mo galing sa postman, hahaha.’