seks toys

nung nag aantay kami ng pagsalubong sa bagong taon e sempre, kung ano ano ang ginawa namin para hindi kami mainip at especially, para hindi makatulog ang mga little kengkays.

nag ihaw ihaw kami sa harapan ng aming dining table para medyo mabagal ang kainan. raclette ang tawag dun 🙂 tapos inimbita namin yung kapitbahay naming italyanos na may tatlong little boys para mas magulo sa bahay namin at walang makatulog. pero bago sila dumating e natapos na namin yung aming ihaw ihaw. at medyo umiingit na ang mga little kengkays.

boring na daw. ang tagal tagal naman daw ng bagong taon. alas nueve ng gabi yon. kaya naman sabi ko, o sige, nood tayo ng telebisyon. at dahil alas nueve na ng gabi, wala ng cartoons. dito kasi alas otso wala ng pambatang program sa telebisyon. kapag weekends, dun medyo mas mahaba ang kiddie programs. hanggang alas nueve.

so alas nueve nga ng gabi di ba? alam nyo ba kung ano ang nakitang programa ng mga little kengkays?

dyaraaannn…. sex toys!!! aray ko- hanu be. manyika daw yon na binebenta sa isang tv program.
at dalawang parang tunay na manika nga naman.

eto close up nung isa pang manika.

anak ng tipaklong, sabi ko, ilipat kasi nakakatakot yung mga manika. tinanong ko kung hindi ba sila natatakot sa mga itsura ng manikang yon. e sabi nila nakakatakot nga daw kaya nilipat na rin nila. sempre mas mabilis ako kasi pinalabas ko muna sila para piktyuran ko, hahaha

hay opo, ganyan na katitino ang mga programa sa telebisyon ng alemanya kapag gabi. minsan nga sa mga balita sa gabi, mga alas siete pa lang, hindi na censored yung mga hubot hubad e. nung unang nakapanood ako, shock na shock ako. pero nasanay na rin ako. pero sempre, sa mga little kengkays — yung mga over da bakod na e shows e over na talaga.

kaya kayong may mga balak na magpunta sa mga ibang bansa, siguraduhin nyo muna ang mga programang lumalabas sa gabi bago ibigay ang remote control sa mga bata 😀