scammers sa harrison plaza

sa totoo lang, nung bata pa si kengkay, dito kami halos parati sa harrison plaza. malapit lang kasi sa bahay namin. atsaka jeep lang andun ka na.pwede pa nga lakarin kapag naubusan ng pamasahe 😀

at nung asa unibersidad ako, dito rin kami madalas tumambay sa harrison plaza. kasi nga isang sakay lang din ng jeep. pwedeng dalawang klase lang ang takbuhan, hehehe.

maganda kasi dito sa harrison plaza. kahit anong sakay ng jeep pwede daanan. taft o mabini o malate. mula baclaran hanggang caloocan. pwede rin LRT kaso mo layo lang ng lakaran pero meron namang orange na jeep na CCP di ba? o kaya sidecar.

ang isa pang pinaka-unique feature nito ay andito ang rustan’s at ang SM. pero ngayon e yung grocery na lang ng rustan’s yata ang andito. pero ang masarap sa grocery, bukas sya hanggang alas gis ng gabi! ang harrison plaza e bukas mula 9 hanggang 9 – walang sawang tambayan at shoppingan.

kaya lang, nitong bumalik kami ngayong 2009; parang iba na yata ang dating ng harrison plaza.

unang pasok ko, may humarang na sa akin na isang bading at chinika chika na ako. may libre daw sa tindahan nila at kung meron oras daw ako ay pwede ko ng kunin yung libre na yon atsaka may ipapakita daw sya sa akin. at dahil natuwa ako sa kulitan naming dalawa, sumama naman ako — karay karay ko ang buong barangay (nanay, tatay, si bunsoy at isang kaibigan).

ayan, pumasok kami sa isang tindahan na puno ng kung ano anong tinda. pinaupo ako sa isang massage chair at dun na ako tuluyang inuto. binigay yung regalo sa akin (isang thermometer) at may binigay na ticket sa akin. nanalo daw ako ayon sa ticket. may tumawag pa daw na taga-main opis nila para isigurado na wala akong kamag anak dun sa mga tao nila. kinausap pa kamo ako. at biglang may fax daw na dumating na mas marami pa daw akong panalo. ang mga napanalunan ko? isang massage chair, isang facial massage set, at isang water heater. nilabas na nila lahat yon. kung saan ba daw isasakay.

hahaha, feeling ko winner talaga ako! pero sa totoo lang, feel na feel ko ang paguuto sa akin. pero dahil ang sarap ng pagkaka-upo ko sa massage chair e nagpauto pa ako ng konti. sanay akong makisakay yata.  libre yata yung masahe ano. naka-abang na yung mga napanalunan ko, tinutulak na palabas nung isang mama. lahat nung tao sa tindahan sa amin naka focus, feel na feel nila ang pang uuto nila sa akin. naichika ko kasi na galing kami ng alemanya at eng eng sa maynila.

ang mga nanay at tatay ko gusto ng umuwi at nagpapasalamat na, yung kaibigan ko naman panay ang bulong sa akin na scam ang niluluto sa harap ko, si bunsoy naman gusto ng mag jollibee. tapos biglang tayo na ako, sabi ko o sige ilabas na yang mga napanalunan ko at gutom na kami.

sempre, bawal yon. kailangan daw ng credit card ko muna, waaaaa! lintek na regalo yan oo, may bayad. sempre nung nagkalabasan na ng bituka, tumayo na ako sa massage chair (naka off na rin kasi e). kumaway na lang ako sa kanila at nagpasalamat sa kanilang entertainment.

sa totoo lang, nung binalita ko yang mga pangyayaring yan sa ibang tao? marami na nga daw ang na-iscam dyan sa harrison plaza. karamihan daw yung mga koreano at hapon; at maraming mga balikbayan na mga may edad na rin ang nauto nila. may isang pinay pa nga daw na pinabalik yung mga ‘regalo’ kuno sa tindahan dahil ba naman nagbayad ang nanay nya ng halos kalahating milyon dahil sa ‘libreng’ scam na yon. kundi daw nagwala yung pinay e hindi daw talaga ibabalik yung mga gamit.

kaya better watch out kayo. ang matindi pa dito, dolyares ang presyo ng kanilang mga tinitinda!

hindi ko alam kung pwedeng isumbong sa tambol mayor ang mga pang uutong ginagawa nila ha. pero dahil nga kukuyugin ka nila, may mga taong bibigay na lang para lang mawala sila sa bitag ng mga scammers na yan. imagine sasabihin nila e libre, regalo, nanalo, premyo — yun pala naman bitag yon para ibigay mo ang iyong credit card.

just be aware.

at sabihan ang mga balikbayan na may balak na mamasyal sa harrison plaza para hindi sila ma-iscam.