Kwentong Kengkay

Setyembre 14, 2011

Conversion of foreign driver’s licence sa LTO

LTO Pasay

Papano nga ba mag-paconvert ng foreign driver’s licence into Philippine driver’s license sa LTO?

Meron akong driver’s licence na galing sa Alemanya, pati na rin ang asawa kong Aleman. Nung asa Pilipinas kami, pina-convert naming pareho ang aming foreign licences para maging Philippine driver’s licence.

Kasi ang sabi nung mga kausap namin, pwede lamang daw gamitin ang inyong foreign driver’s licence ng tatlong buwan pagkadating ng Pilipinas. Kapag lampas na sa tatlong buwan ay kailangan ng mag-apply for conversion.

Para walang problema sa daan, nagpunta kami sa Land Transportation Office LTO sa main office nila sa Quezon City. Dahil wala kaming alam sa transaction, nagpatulong kami sa isang kamag-anak na may alam at may kilala sa loob.

Bago kami pumunta ng LTO Quezon City, hinanda muna naming ang mga dokumentong kailangan. Kapag gusto ninyong magpa-convert ng inyong foreign driver’s licence into Philippine driver’s licence, eto ang mga kailangan ninyong dalhin at gawin: Application form na pwedeng i-download at i-print mula sa LTO website, at medical certification galing sa accredited agency, negative drug test na galing din sa DOH accredited drug testing center),  kopya ng Alien Certificate of Registration (ACR), TIN number, etc.

Merong mga additional requirements para sa mga Filipino o Foreigner na may valid na foreign license: ang original at kopya ng foreign license, kapag ang lisensya ay hindi English ay dapat merong translation na galing sa Embassy o Consular office, pati na ang original at kopya ng passport.

Paalala lamang na hindi pwedeng i-convert ang foreign license kapag walang embassy o consular office ang bansa kung saan galing ang foreign license; at kapag hindi translated sa English ang foreign license.

Papano naming hinanda ang mga kailangang dokumento? Nagpunta kami sa LTO Pasay, kung saan maraming nakakalat na DOH-accredited agencies para sa medical certification at drug testing. Walang pila. Kami agad ang nauna. Nag-fill up kami ng forms at nagbayad — parang asa 200 pesos yata yun. Binigyan kami ng container para sa urine sample. At iniwan na naming dun ang urine sample. Daanan daw yung result ng drug test sa susunod na araw. Yung medical certificate nakuha agad namin ng wala man lang kaming ginawa – kahit nga yung eye examination nakapasa kami pareho dahil wala namang ginawang test talaga. Papano kaya yung mga kailangan talaga ng salamin sa mata at pinasa din nila ng walang exams? Kakatakot mag drive sa Pilipinas!!!

Pero yun na nga lang, ang bilis ng transaction. Kinabukasan ay nakuha na naming ang drug test – negative siyempre!! Samantala, kinausap na rin ng aking asawa ang kanilang embassy para sa translation ng kanyang lisensya. Isang araw lamang ay nakuha na rin ito, at walang bayad kamo.

Dala-dala ang aming mga dokumento, nagpunta na kami ng LTO Quezon City kung saan meron ng nag-aantay na tutulong sa amin. Sa LTO meron ding kasing malaking nakapaskel dun na bawal ang mga fixers – kaya hindi ko alam kung ano tawag dun sa tumulong sa amin para mapadali ang aming transaction.

Walang masyadong tao sa LTO. Pero kahit na, may mga nag-aantay pa rin, may pasulpot-sulpot na pola. Kami? Hindi kami pumila, wala kaming number na kinuha kasi binigay na naming yung papeles at pera dun sa tumulong sa amin. Diretso na sya sa isang counter. Binigay ang lahat. Antay lang kami para maayos na at masimulan na. Tinawag kami sa isang counter para sa picture at sa signature; nag antay ng konti at nakuha na agad namin ang aming lisensya, yuhoo!

Hindi lalampas ng 30 minuto. Kawawa naman yung mga naiwan dun na mga Koreano. Nauna pa sila sa amin pero andun pa rin sila at paikot ikot sa LTO. Iba talaga kapag may kakilala kang may alam sa loob. Medyo nahiya nga ako, pero kasi alam kong sa ganitong paraan para hindi na magkaron ng aberya e; para matapos ng mabilis at walang sakit ng ulo.

Yun na nga lang, siyempre kakaiba ang binayad namin kesa sa lumabas sa aming resibo. Ang nasa resibo ay 617.63 pesos lamang ang nakatatak pero ang lumabas na pera sa amin ay 2,000 pesos. Ang konting diprensya ang naging dahilan para mapabilis ang pagkuha ng aming converted license.

Sa totoo lang, mura pa nga daw yung aming binayad. Dahil ang ibang tumutulong para mapadali ang pag-convert ng lisensya ay mula 10,000 pesos na minsa ay umaabot pa ng 35,000 pesos! Grabe ano?

Samantalang dapat ay mabilis na rin ang pagkuha ng lisensya dahil pwede ng i-download ang application form, at lahat ng procedures at mga dokumento ay pwede ng makita lahat sa internet. Pati ang mga dapat nga bayaran ay andun rin. Pero iba pa rin talaga kapag nagpunta ka sa ahensya ng gobyerno – kahit na walang pila at dala mo lahat ng mga papeles na kailangan ay magtatagal ka kapag wala kang kakilala o kapag under the table na kung ano man. Sobrang bagal ng galaw, parang walang langis ang makina.

Ewan ko ba. Sana hindi ganun, pero ganun ang nangyari e. Pero sabi nga, No Fixers Allowed! Fixers Would be Apprehended! Kelan kaya talaga?

Advertisements

4 mga puna »

  1. Para na lang din yang Neverland at si Peterpan. Pangarap na lang yang No fixers allowed. Kasi ako din minsan parte din ako ng problemang yan, aminado akong lumulusot din ako nung nagpa-renew ng rehistro. Kasi mainit ang panahon, mainit ang sikat ng araw, at mainit ang ulo ko. Tsktsktsk.

    Hirap maging mabuting mamamayan e. It takes a latta practice.

    Ngayon ko lang nalaman na pwede magpa-convert ng license, astig!

    🙂

    Komento ni akda — Setyembre 15, 2011 @ 10:50 umaga | Sagutin

    • hi akda, ako din, aminado din ako na mas gusto ko mapadali so magbayad ng extra. pero kasi nga, hindi maayos ang paraan sa ahensya ng gobyerno. kapag maayos yan, mabilis, wala ng fixer. dito sa consulate ng pinas sa alemanya, ang bilis ng processing… walang pila, walang antay ng walang katapusan. kung pwede dito, edi pwede din dyan sa pinas, di ba?

      di ko rin naman na kailangan pala magpa convert ng lisensya, sa tingin ko para yun sa mga taong hindi mabasa ang lisensya dahil ibang language ang gamit.

      Komento ni kengkay — Setyembre 15, 2011 @ 12:55 hapon | Sagutin

  2. Hay nako, mamikengks, kahit saang opisina ng gobyerno, mabagal ang usad.

    Nagbabalik,
    Joycee

    Komento ni joyceish — Setyembre 16, 2011 @ 5:59 umaga | Sagutin

    • hi, bumalik ka na? welcome!!! yung consulate natin sa Frankfurt gobyerno rin di ba, pero mabilis sila.. pwede naman, ayaw lang talaga.

      Komento ni kengkay — Setyembre 16, 2011 @ 9:10 umaga | Sagutin


RSS feed for comments on this post. TrackBack URI

Mag-iwan ng Tugon

Fill in your details below or click an icon to log in:

WordPress.com Logo

You are commenting using your WordPress.com account. Log Out / Baguhin )

Twitter picture

You are commenting using your Twitter account. Log Out / Baguhin )

Facebook photo

You are commenting using your Facebook account. Log Out / Baguhin )

Google+ photo

You are commenting using your Google+ account. Log Out / Baguhin )

Connecting to %s

%d bloggers like this: