biyahera sa bangkok

Pagbigyan ko si lucy na nagiwan ng komento dun sa aking post tungkol sa pagbisita sa bangkok, thailand.

Very nice, down to earth and practical guide na article! =) I had fun reading. And it got me really interested. Help naman. I want to know sana which of those places of shopping ang talagang bargain. Yung pinupuntahan ng mga biyahera. Kasi I bet dun pinakamura. And pano ba tumawad? Parang Divisoria din? Half the original price? Gusto ko rin kasi sanang mag-biyahera. hehe I wonder kung gano karaming damit they lug back to the Philippines…

Sinagot ko na sya sa kumento nya pero mukhang mas magandang gawan ko na rin sya ng isang blog entry dahil parang hindi ko na mahinto yung pagkwento ko sa kanya.

Hindi sa naging biyahera ako ha. Meron akong K na mag bigay ng tips kasi nung asa bangkok ako e naging ‘hotel’ rin yung aking bahay ng mga kaibigan kong biyahera. Nakasama rin ako sa mga pagtatawad nila; sa paghahalunggkat nila ng bargains; at sa pag eempake nila. At sempre, Bangkok yata ang isa sa pinakamalaking populasyon ng mga biyahera kasi nga malapit lang sa Pinas tapos mura po talaga ang bilihin lalo na kapag textiles.

Kapag biyahera ka, saan ka dapat pumunta sa Bangkok?

1. Chatuchak Weekend Market – Open from 9.00am to 6.00pm on Saturday and Sunday, though many of the stalls actually open sometime between 9.00am and 10.00am and close around sunset.

Dito sa chatuchak, open market sya as in palengke sya. Nakakalito kasi ang laki laki nitong market na to. Kumbaga e andito na lahat ng pwede mong hanapin — kesyo damit o exotic animals! Pero suyurin mo dapat sya ng matino kasi mura talaga dito at daming mabibili. Siguradong kulang ang isang araw mo dito. Pwera na lang kung alam mo kung ano ang bibilhin mo at kung saan ka pupunta. At halos lahat ng bayaran dito e cash lamang po. Mararating sya sa pamamagitan ng Sky train ( Mo Chit station) o kaya sa pamamagitan ng taxi na siguradong madali kayong makakahanap.

2. Maboonkrong (MBK) – Daily 10.00 am. – 9.00 pm. Medyo sosyal. Eto ay napapaligiran ng mga malalaking department stores kaya naman de-aircon din sya. Makikita mo yung mga wholesalers dahil sa mga naka display na produkto nila at sempre yung mga tag prices nila. Malalaman nyo naman kung alin ang tourist prices dahil hihimatayin kayo minsan sa presyo. Mag ingat lang kayo kasi may mga areas dito na talagang pang turista na ang presyo. Andito rin ang mga gold jewelry stores. May ibang tindahan na pwedeng magbayad ng credit card.

3. Nai Lert – small version ng Chatuchak na makikita sa Phetburi Road at tunay na palengke rin po

4. Pratunam – Baiyoke Garment Complex: 09:00 – 16:00; Indra Square: 09:00 – 19:30, City Complex: 11:00 – 16:00, Pratunam Market: 24 hours. Andito na yung tunay na garment market; matatagpuan ninyo dito ang lahat ng bagay na tungkol sa garments and textile at sempre sa jewelries, bags, shoes at kung ano ano pa. Retail, wholesale at sempre umaatikabong tawaran ang nangyayari dito. Halu halo sya, may palengke type may buildings in between — parang divisoria ba.

5. Bo-bae – Open from 09:00 – 16:00 Malapit ito sa Chinatown at karamihan ng tinda dito ay cheap garments. Meron sa bangketa at meron din sa mga complexes.

6. Pantip IT Mall – Daily 10.00 am. – 9.00 pm. Andito na yata ang lahat ng kailangan ninyo na software at hardware. At sempre ang mga movies na karamihan yata e hindi legal 🙂 Isang malaling building ito.

7. Patpong Night Market – starts at 4 pm until 2 am. Maraming tindahan pero kasi kilala sya sa ibang klaseng nightlife. Pero kung maglalakad ka sa gabi, marami ka ring pwedeng bilhin. Puntahan mo nga lang yung mga tunay na may retal at wholesale na matatagpuan mo in between tindahan na super mahal ang tinda.

At kapag naka red tag days ang mga department stores, pwede rin kayong makisalo salo dun. Yun nga lang, sempre mas mura pa rin yung asa mga palengke.

Eto pang ibang tips:

1. Isang malaking maleta o kaya naman yung malalaking bayong pero siguraduhin na stable yon dahil hinahagis hagis lang yan sa airport

2. bumili ng isang trolley para hindi nyo kailangang buhatin yung pinamili ninyo – kundi hatakin at mas madali syang di hamak

3. mag ingat sa pick pockets. mas mabuting magdala ng waist or chest wallets

4. maghanap ng hotel na malapit sa palengke kung saan balak mong mamili ng maramihan. may mga hotels na talagang pang biyahera lamang. matatagpuan sila sa may pratuman o kaya sa phetburi road

5. dapat marunong kang mag impake para magkasya lahat ng pinamili mo — basta ang nakikita ko, tinatanggal nila yung mga plastiks na lalagyan; yung iba tinatanggal pati yung mga karton

6. magdala ng calculator. kasi dun kayo magsisimulang magtawaran ng mga tindera at tindero. basta wholesale, sempre mas mura.

7. hindi ko alam pero, dapat yata may sasalubong sa yo sa customs sa pinas.. dito kayo medyo mag ingat. sayang naman yung pinamili ninyo kung maharang lang di ba?

8. mag aral ng konting pasa thai (thai language) katulad ng kap khun ka (salamat) — phi (ate/kuya) – kasi parang pinas din yan, basta may konting lambing at may konting galang, benta agad 🙂

9. huwag magturo sa pamamagitan ng paa, at huwag hawakan ang ulo ng mga Thais — big No No yan.

10. mas mabuting mag miyembro ka ng miles club ng airline kasi minsan may dagdag yung iyong baggage load ng 10 kilos, libre lang naman maging miyembro at pwedeng gawin sa internet.

Okay, kapag may nalimutan ako, i dagdag ko na lang.

Good luck sa pagiging biyahera!